Утре се враќа подзаборавениот дефанзивец на Реал, но никој не знае кога ќе може да заигра

Стартот на минатата сезона не можеше да биде полош за Реал Мадрид, бидејќи после Тибо Куртоа и Едер Милитао, предниот вкрстен лигамент на коленото го скина и Давид Алаба.

Австрискиот репрезентативец имаше доста поболна рехабилитација од останатите двајца соиграчи кои веќе се вратија на терените, а бавното темпо прави да биде неизвесен на неодреден временки период.

Алаба доби продолжен одмор од Реал Мадрид и покрај тоа што не играш на Европското првенство во Германија, но угледната „Марка“ открива дека Австриецот не го направил посакуваниот прогрес, и покрај тоа што напорно работел во изминатите два месеци.

Како што јавува угледниот мадридски весник, Алаба утре треба да се врати во Мадрид и да ги започне подготовките за новата сезеона, но засега никој не знае кога ќе може да се врати на терените.

Тоа исклучиво ќе влијае од неговото тело и прогресот кој ќе го забележи во наредниот период, кој сигурно ќе биде клучен за надминување на најтешката повреда во кариерата.