Успешно деби за Тухел на клупата на Англија, Левандовски донесе победа за Полска (ВИДЕО)

Томас Тухел имаше успешно деби на селекторската позиција во англиската репрезентација која вечерва славеше над Албанија со 2-0 во средбата од квалификациите за Светското првенство во 2026 година.

Домаќините не му дозволија на противникот да упати ниту еден директен удар кон голот на Пикфорд, а со тоа си го отворија патот до победата со по еден гол во двете полувремиња.

Дефанзивецот Луис Скели го отвори резултатот во 20 минута и со тоа испиша историја, стана најмлад играч кој успеал да погоди на своето деби во англиската селекција. Тој со 18 години и 176 дена го надмина досегашниот рекордер Маркус Рашфорд кој беше прв на оваа листа од мај 2016 година кога ја матираше Австралија со 18 години и 209 дена.

Вториот погодок беше дело на капитенот Кејн во 77 минута.

Полска со многу мака ја потврди фаворитската улога во пресметката со Литванија и тоа благодарејќи на погодокот на Левандовски во 81 минута. (ТУКА погледнете го голот).

На другите соочувања Романија загуби од Босна и Херцеговина со 1-0, Летонија и Финска издвојуваа гостински триумфи од 1-0 над Андора, односно Малта.