Усик се налути на пресот и посочи дека би го претепал Дубоа и со голи раце (Видео)

Олександр Усик ги одбрани своите појаси во тешка категорија и славеше во борбата која траеше девет рунди во Вроцлав, но која според многумина требаше да има и побрз крај со сосема поинаков епилог.

Даниел Дубоа го удри Украинецот во пределот на стомакот и го кутна на земја, но судијата оцени дека станува збор за „удар под појасот“ и Британецот доби казнени поени.

Усик се опоравуваше од ударот три-четири минути и потоа ја продолжи борбата, па откако го нокаутираше Дубоа во деветтата рунда, ги одбрани шампионските појаси кои и претходно беа во негова сопственост.

Заверката на титулите сепак беше оспорена од добар дел од јавноста и неколку експерти оценија дека Дубоа бил ограбен во Полска, па откако со поплаки се јави и самиот Британец, Усик и неговите членови од тимот мораа да се објаснуваат на пресот по борбата.

Украинецот ја подигна маицата и објаснуваше од каде важи правилото за низок удар, бидејќи според правилата, секој удар кој е добиен во пределот на шорцевите е окарактеризиран како „удар под појасот“.

Усик не ја криеше и фрустрацијата од поплаките кои доаѓаат од противничкиот табор, па на пресот нагласи дека е подготвен за улична борба со Дубоа во која би се тепале со голи раце.