Уште едно засилување: Прилеп го промовираше Филип Чурлевски

Екипата на Прилеп и официјално го потврди ангажманот на 28-годишниот Филип Чурлевски.

Средниот бек доаѓа од Прилеп од таборот на Еурофарм Пелистер, а тоа значи дека одново ќе соработува со Горан Кузмановски со кого беа соиграчи во таборот на „фармацевтите“. Чурлевски досега го има носено дресот на Пелистер и Вардар Јуниор, а беше дел и од македонската репрезентација на Светското Првенство во 2019 година.

Тој треба да донесе свежина, квалитет и да помогне Прилеп да бележи што подобри резултати под водство на Кузмановски кој ќе ја има улогата на играч-тренер.

Досега новиот прволигаш ги доведе Христоски, Цинцадѕе, Манчески, Шокоски, нови договори пак добија Бикоски и Амзоски.