Уште една квалитетна партија на Поповски против Кадетен Шафхаузен

Повремениот македонски репрезентативец, Мартин Поповски во рок од неколку дена одигра уште еден квалитетен меч против најдобрата швајцарска екипа Кадетен Шафхаузен.

Пред неколку дена Мартин беше прв стрелец во лигашкиот меч (во својата екипа), а пак сега беше ефикасен во полуфиналната пресметка во Купот. Десното крило даде четири гола од пет обиди, меѓутоа севкупно ова не значеше ништо за Амичитија Цирих која беше убедливо надиграна со 38-27.

Цирих лани триумфираше во ова натпреварување и годинава се обидуваше да ја одбрани титулата, меѓутоа Кадетен Шафхаузен се покажа како пресилен противник, поточно оваа екипа ќе биде фаворит за пехарот во финалето против Криенс закажано за 6 мај.

Вториот Македонец во поразениот тим, Филип Арсеновски не се запиша во листата на стрелци.