Уште четири екипи обезбедија билети за плејофот во Евролигата (ВИДЕО)

Кошаркарите на ЦСКА Москва, Анадолу Ефес, Олимпија Милано и Фенербахче и се приклучија на Барселона на листата на екипи кои имаат обезбеден билет за плејофот во Евролигата.

ЦСКА и Ефес славеа над Зенит (86-74), односно Реал Мадрид (108-83) за 21. триумф во сезоната, додека пак Милано и Фенер беа подобри од Црвена Звезда (93-72) и Баерн Минхен (77-68) што беше доволно да дојдат до првичната цел, пласман во нокаут фазата на елитното натпреварувања.

Жалгирис со пресврт славеше над Алба Берлин (96-86), меѓутоа тоа не беше доволно за да ги задржи шансите за наредната фаза затоа што Басконија како гостин го доби Панатиникос во резултат 97-72.

Најпријатното изненадување го направи Макаби ТА кој го продолжението го „кутна“лидерот Барселона (99-94). Жижиќ со 24 поени беше најдобар поедининец, на каталонците не им беше доволен ниту дабл-дабл учинокот на Миротиќ (23 поени, 10 скокови).