Урнебесно видео: Антони се радуваше на голот, па го промени изразот на лицето кога го виде Мегваер

Во отсуство на Лисандро Мартинез и Рафаел Варан, Ерик Тен Хаг нема друга опција освен да го игра Хари Мегваер како стартер, па дури и во ситуација кога стоперот имаше солиден настап, тој станува вирален хит.

Англискиот репрезентативец важи за најголем малер во редовите на Јунајтед оваа сезона и најдобар доказ за тоа беше автоголот кој си го постигна против Севилја, но денеска се најде во фокусот поради една реакција на негов соиграч.

Бразилецот Антони денеска беше најдобар играч на теренот против Нотингем Форест и мечот го заврши со гол и асистенција, но најкоментиран е неговиот потег при прославата на погодокот.

Антони се најде на вистинско место и во вистинско време по шутот на Марсијал и лесно ја спроведе топката во празната мрежа, а потоа драстично го промени расположението за време на прославата.

Крилниот напаѓач изгледа презадоволно кога гледа како Дало приоѓа да му честита за голот, но потоа го менува изразот и ја снемува насмевката кога до него доаѓа Мегваер…..

Anthony's face when he saw it was Maguire 😭😭😭 pic.twitter.com/MAIabOeS6T

— Simon 🤴🏾🕊 (@KvngSimon) April 16, 2023