Урнебесна сцена во Ф1: Неочекуван „натрапник“ се најде на Марина Беј, маршалите едвај го решија проблемот (Видео)

Последниот саботен тренинг пред закажаните квалификации донесе мали компликации за маршалите на Марина Беј, а причина за тоа беше „натрапникот“ на патеката.

Уличната трка во Сингапур донесе доминација на Мекларен во досегашните сесии и останува да се види дали тоа ќе биде потврдено и на квалификациите, но сцена на денешниот ден дефинитивно беше онаа со неочекуваниот „гостин“ кој се најде на патеката.

Поголем гуштер предизвика да биде покажано црвено знаме и да биде прекината сесијата на неколку минути, бидејќи маршалите имаат потешка задача да го уловат „натрапникот“.

Комичната сцена не ги остави рамнодушни ниту Ф1 ѕвезди, а во прв план се најде Даниел Рикиардо кој се смееше на урнебесната ситуација.

Откако проблемот беше решен, Ландо Норис постави најдобро време на последниот тренинг, Џорџ Расел беше за нијанса побрз од Оскар Пјастри, додека Макс Ферстапен пред квалификациите го освои четвртото место.

It wouldn't be Singapore without a lizard on track! 😁🦎#F1 #SingaporeGP pic.twitter.com/IsdVR2U0ok

— Formula 1 (@F1) September 21, 2024