Упамекано побарал помош од оперски пејач за да реши проблем на теренот

Членот на Баерн Минхен и воедно француски репрезентативец, Дајо Упамекано откри дека соработува со оперски пејач за да реши проблем кој го има на теренот, поточно на натпреварите.

Централниот дефанзивец се решил да побара помош откако не можел да се однесува, реагира во одредена ситуација, биде вистински лидер на теренот поради неговиот глас. Тој имал проблем да го  крене гласот за да го слушнат соиграчите по што преземал соодветна акција која дава резултат.

-Честопати имам болно грло и немам глас по натпревари. Затоа барав помош – ги подобрив моите гласни жици со помош на оперски пејач. Пеевме заедно, тој ме научи како да го вежбам мојот глас. Сега можам да викам гласно, можам да дадам инструкции на теренот, -открил Французинот за „Билд“

Тој воедно посочи дека со нетрпение ја чека битката со ПСЖ во ЛШ.

-Тоа ќе биде голем меч за двата тима. Мора да бидеме подготвени и во форма. Нашата цел е да победиме во Париз, ќе одиме со таков став. Нема да одиме на нерешено, тоа не му личи на Баерн, -порача стоперот.