Уникс и Димитријевиќ експресно се вратија на победничките патеки

Ненад Димитријевиќ не беше дел од последниот ФИБА прозорец поради обврските на клупски план, особено во ситуација кога е еден од најважните играчи во редовите на Уникс Казан.

Македонскиот репрезентативец и неговите соиграчи остварија нова победа во руската ВТБ лига, што беше најдобар можен одговор по драматичниот пораз од ЦСКА пред неколку дена.

Уникс денеска славеше на гостувањето кај Енисеј со 79:89 и ја запиша 13-та победа во домашното првенство, па така подобар тим и натаму останува само ЦСКА.

Во улога на плејмејкер, Димитријевиќ денешниот меч го заврши со 10 асистенции зад своето име и главно беше задолжен за организирање на акциите, но покрајр тоа постигна и шест поени.