Уникс и ЦСКА одиграа драма со продолжение, Димитријевиќ промаши тројка за победа (ВИДЕО)

Составот на ЦСКА Москва предводен од македонскиот стручњак Емил Рајковиќ ја доби и вторатасезонска дерби пресметка против Уникс Казан во ВТБ лигата.

Во еден супер неизвесен, драматичен меч кој беше решен по дополнителни пет минути гостите од Москва славеа со 95-93. Лесно можеше да се случи и домаќините да слават, ама нашиот Ненад Димитријевиќ не успеа да го погоди последниот шут за три поени.

Нено заврши со 19 поени со што беше втор стрелец во Уникс зад Мејкон (22), а зад своето име додаде уште 6 асистенции и 1 скок.

Швед и Вер за „армејците“ искомбинираа 47 кошеви.

Избраниците на Рајковиќ сега имаат 14 од 14, додека Уникс е втор со 12 победи и 2 порази.