Поврзете се со нас

Светски првенства

Унгарија ја победи Холандија, Египет го шокираше домаќинот Хрватска

Објавено

на

Македонската ракометна репрезентација и дефинитивно завршува трета во својата група на Светското првенство, потврда за која се чекаше се до последниот меч кој се играше оваа вечер.

Победата на Унгарија над Холандија значеше дека се оствари најочекуваното сценарио кое веќе го прифатија нашите ракометари, па тоа значи дека нашиот национален тим втората фаза ја отвора со дуел против Австрија во вторник, по што ќе следат натпревари против Катар во четврток и Франција во сабота.

Унгарците ја оправдаа улогата на фаворити и петопласираната селекција од последното Европско првенство славеше со 36:32, што значи дека тие пренесуваат три бода во следната фаза.

Холандија ќе пренесе два благодарение на победата која ја оствари над Македонија, додека нашиот национален тим ќе ја стартува главната фаза со еден бод.

Вечерва, на програмата беа уште два натпревари, а на истите Хрватска беше шокирана од Египет среде Загреб со 24:28, додека Норвешка претрпе пораз и од Португалија (28:31).

Наместо четири, Хрватска во втората фаза сега патува со два бода, додека Норвешка не пренесува ниту еден.

Advertisement
Advertisement

Италија

Advertisement

Популарни