Унгарците лути на Бугарската федерација: Вака не се организира ни семеен одмор

Унгарската фудбалска федерација денеска реагираше со соопштение поради начинот на кој нивните колеги од Бугарија го организираат претстојниот квалификациски натпревари.

Унгарците според првичниот план требаше да гостуваат во Пловдив, но локалните власти пред неколку дена најавија дека на стадионот не може да се игра фудбал поради актуелната реконструкција.

На крајот во случајот морала да се инволвира и УЕФА, па попладнево стана јасно дека квалификацискиот натпревар за ЕП ќе се игра без гледачи и тоа на „Васил Левски“ во Софија.

– Не е дозволиво на ваков начин да се организира семеен одмор, а не па меѓународен натпревар со голем влог во кој се инволвирани милиони навивачи.

– Потегот на Бугарската фудбалска федерација е неправеден, неспортски и некоректен, – велат од Унгарската федерација.

Јасно е дека Унгарците не се задоволни од промената и фактот што нема да има ниту гостински навивачи, но мора да ги прифатат новите услови затоа што одлуката е на УЕФА.