Ултрасите на Рома ќе го бојкотираат дебито на Јуриќ

Голем дел од навивачите на Рома се незадоволни поради отказот кој го доби Даниеле Де Роси, а ултрасите веќе најавија бојкот на дебито на неговиот наследник.

Раководството експресно го назначи Иван Јуриќ за нов тренер на „волчицата“, но на дуелот со Удинезе екипата нема да ја добие посакуваната поддршка од трибините.

„Курва Суд“ трибината ќе биде празна најмалку половина час по почетокот на натпреварот, а ултрасите побараа поддршка и од останатите навивачи кои треба да бидат присутни на „Олимпико“.

Де Роси беше отпуштен откако Рома освои три бода на првите четири натпревари во Серија А, а многу кратко откако доби договор за долгорочна соработка од клубот.

Јуриќ последно работеше во Торино, клуб со кој не го продолжи договорот по крајот на претходната сезона.