Ултрасите на Аталанта со нова порака до клубот: Сакате да ја заборавите нашата болка…

Навивачите на Аталанта повторно се активираа откако италијанската влада дозволи групни тренинзи на клубовите од Серија А и можно продолжување на сезоната, оставајќи транспарент пред стадионот на својот омилен клуб.

Бергамо беше најпогоден од коронавирусот кој однесе многу човечки жртви во овој град, а фановите на Аталанта не се согласуваат првенството да продолжи по ваквото сценарио со вирусот.

– Сакате да ја заборавите нашата болка… Но, без луѓе нема смисол да се вратите и да играте, – порачаа ултрасите на Аталанта, кои и претходно го искажаа сличниот став за продолжување на сезоната.

<iframe src=”https://www.facebook.com/plugins/post.php?href=https%3A%2F%2Fwww.facebook.com%2FDEAA1907%2Fposts%2F2692877574155506&width=500″ width=”500″ height=”573″ style=”border:none;overflow:hidden” scrolling=”no” frameborder=”0″ allowTransparency=”true” allow=”encrypted-media”></iframe>

На слична позиција се и фановите на Торино, кои вчера пред клупскиот тренинг центар исто така оставија порака упатена до раководството и фудбалерите.

– Илјадници жртви во сите градови, а вие размислувате за продолжување на Серија А. Вистинскиот вирус кој треба да се елимира сте вие кои сакате повторно да играте, – порачаа фановите на Торино.