Украинците бесни на ФИФА поради детаљ од ждрепката: Ова е поддршка за руската пропаганда

Украинската фудбалска федерација побара извинување од ФИФА поради детаљ од петочната ждрепка за групите за квалификациите за СП кое ќе се одржи во 2026 година.

За време на ждрепката е прикажана мапа на која Крим е прикажан како дел од Русија, иако оваа територија не е призната како руска од страна на Украинците и меѓународната заедница.

Спорниот дел од графиката се случила кога ФИФА ги прикажала репрезентациите кои нема да можат да играат во иста група поради политички причини.

– Не само што делувавте против меѓународното право, туку и помогнавте на руската пропаганда.

– Ги поддржавте воените злосторства и злосторничката агресија против Украинците, – стои во соопштението на федерацијата.

Претставник на ФИФА појаснил дека таа спорна графика е отстранета од видеото од ждрепката и дека ја разјасниле ситуацијата со претставници на Украинската фудбалска федерација.