Угледниот „ЕСПН“ пренесува дека фудбалерот на Барселона, Артур донел конечна одлука по интересот од Јувентус

Во јавноста долго време се шпекулира дека ова лето се подготвува трансфер размена помеѓу Барселона и Јувентус.

Имено, Барселона сериозно е заинтересирана во своите редови да го донесе Миралем Пјаниќ, додека од Јувентус како замена за Пјаниќ го бараат Артур Мело.

Токму бразилскиот фудбалер претставуваше проблем во преговорите затоа што одбиваше да си замине од клубот и да се пресели во Торино.

Сепак, пред неколку дена осамна информација дека тој оставил простор да размисли за неговиот трансфер во Италија, па се зголемија шпекулациите дека трансферот е можен.

Но, како што сега пренесува угледниот„ЕСПН“, Артур Мело донел конечна одлука да остане во Барселона и нема намера да ја менува средината.

Сега, „Мундо Депортиво“ пишува дека Барселона во замена за Пјаниќ на Јувентус ќе им го понуди младиот Усман Дембеле кој воопшто не се снајде на „Камп Ноу“.