УЕФА жестоко го казни Хајдук

УЕФА го казни сплитски Хајдук со парична казна и условна забрана за одење на неговите навивачи на едно гостување поради однесувањето на дел од неговите навивачи на гостувањата против ХБ Торшавн и Ружомберок во квалификациите за Конференциската лига.

Како што се наведува во образложението на Дисциплинската комисија на УЕФА, Хајдук е казнет поради нереди на навивачи на трибините, фрлање предмети и употреба на пиротехнички средства. Поради ова ќе мора да плати казна од 50.000 евра, објави на својата интернет страница Европската фудбалска федерација.

Се наведува и дека клубот е под условна казан од две години, односно на навивачите на Хајдук ќе им биде забрането да одат на следното гостување доколку во тој период се повторат овие инциденти.