УЕФА во преговори за историски промени, финалето на Лигата на шампионите може да се игра во САД

Европската фудбалска федерација (УЕФА) и Европската фудбалска асоцијација (ЕЦА) започнале преговори со компанијата „Релевент Спортс“, кои може да резултираат со префрлување на дел од возбудувањата во Лигата на шампионите на американска територија.

Европските клубови често во летниот период патуваат во САД поради финансиските и комерцијалните придобивки при одигрувањето на контролни натпревари, но овие преговори се многу посериозни и може да донесат и финале на ЛШ во САД, тврди британски „Индепендент“.

Преговорите се однесуваат на соработка која би започнала од 2027 година, што значи дека веќе во 2028 година европските фанови потенцијално може да се соочат со следење на натпревари од Лигата на шампионите на некој од модерните американски стадиони.

УЕФА и ЕЦА ги потврдија преговорите без да објават конкретни детали, но „Индепендент“ тврди дека во игра е одигрување на дел од натпреварите во САД и друг начин на дополнителна комерцијализација на Лигата на шампионите

Компанијата „Релевент“ е во сопственост на милијардерот Стивен Рос, кој во своето портфолио го има НФЛ тимот Мајами Долфинс.