Поврзете се со нас

Свет

УЕФА потсетува: Фудбалската лекција која ја одржа Роналдо на најлошиот терен во Европа (Видео)

Објавено

на

blank

Интер стана шампион во УЕФА Купот во далечната 1998-ма година откако во големото италијанско финале го победи Лацио со 3:0, натпревар на кој тимот од Милано комплетно го надигра оној од престолнината.

Во тоа време, легендарниот Луис Назарио де Лима Роналдо беше главна ѕвезда во Интер и беше стрелец на еден од погодоците во големото финале, но сепак најголем печат од таа сезона во второто по ранг европско клупско натпреварување остави неговото издание во полуфиналето.

Интер со предност од 2:1 отпатува во Москва на мегдан против Спартак, а условите за игра на стадионот „Динамо“ во руската престолнина најблаго кажано беа ужасни.

Гостинските фудбалери беа приморани да играат на „ораница“, но Роналдо и во такви услови прикажа за каков фудбалски мајстор станува збор, без оглед на тоа што беше исклучително тешко да се контролира топката.

23 години подоцна, УЕФА потсетува како изгледаше фудбалската симултанка на Роналдо во Москва, гостување на кое ги постигна двата гола во триумфот од 1:2.

Реклама
Реклама
Реклама

Популарни