Поврзете се со нас

Европски првенства

УЕФА одвои простор за Македонија и ја презентираше со неколку занимливости: Најважен гол, играч кој играл на ЕП…

Објавено

на

blank

На официјалната веб страна на УЕФА беше одвоен доста голем простор за репрезентацијата на Македонија која за прв пат ќе игра на едно големо натпреварување.

Европското првенство кое ќе се одржи летово ќе биде историско за репрезентацијата на Македонија и токму по тој повод од УЕФА се решија одблиску да ја претстават нашата репрезентација на широкиот фудбалски аудиториум.

Според европската куќа на фудбалот, Горан Пандев и Енис Барди ќе бидат наши клучни играчи на континенталниот собир во 2021 година.

blank

Освен податоци од актуелниот состав, од УЕФА ги посочија и незаборавните моменти и голови за Македонија во квалификациите за Европското првенство годините наназад.

– Првиот квалификациски гол Македонија го постигна на 7 септември 1994 година преку Митко Стојковски против Данска во Скопје. Како и да е, ударот на Пандев за кој противниците немаа одговор во 56. минута од натпреварот против Грузија дефинитивно е најважниот гол во историјата на Македонија.

– Откако Македонија ја имаше првата интернационална побреда против Словенија на 13 октомври 1993 година (4:1) кога Зоран Бошковски го постигна првиот гол, во репрезентацијата имаше уште светли моменти. Голот на Артим Шакири директно од корнер против Англија во квалификациите за ЕУРО 2004 беше еден таков момент, а победата над Лихтенштајн од 11:1 во квалификациите за Светското првенство 1996 година беше уште еден светол момент.

Освен незаборавните моменти, од УЕФА објавија и неколку интересни детали и занимливости поврзани со нашата селекција.

– Голманот Благоје Видиниќ е единствениот играч кој е од Македонија и кој играл на Европско првенство настапувајќи за Југославија  во 1960 година.

blank

– Актуелниот селектор Игор Ангеловски е на клупата на Македонија најмногу од било кој друг селектор претходно. Неговиот рекорд по 45 натпревари на клупата е 20 победи, 10 нерешени средби и 15 порази.

– Ангеловски е 17 селектор на Македонија од 1993 година, вклучувајќи и четворица привремени селектори. Само четворица од нив биле странци: Слободан Сантрач (Србија, 2005), Среќко Катанец (Словенија, 2006-2009), Џон Тошак (Велс, 2011-2012), Љубинко Друловиќ (Србија, 2005).

Реклама
Реклама
Реклама

Популарни