УЕФА ја „поднови“ химната на Лигата на шампионите, навивачите шокирани од потегот (Видео)

Претстојната сезона во Лигата на шампионите ќе донесе имплементација на новиот формат во кој сите учесници ќе бидат дел од една група и ќе се по таканаречениот „швајцарски систем“, промена која досега донесе многу коментари, а се чини допрва ќе покаже дали е вистински или изнуден потег на УЕФА.

Навивачите се скептични по ова прашање, а од вчера и незадоволни, откако на дел од плејоф натпреварите била пуштена подновената химна на елитното натпреварување.

Химната на Лигата на шампионите има култен статус не само кај фановите, туку и кај самите фудбалери, а УЕФА решила малку да ја поднови со забрзување на темпото и додавање ефекти, нешто што донесе многу негативни коментари на социјалните мрежи и голема дебата меѓу фановите.

Најважниот дел, стиховите испеани на три јазици остануваат исти како основа на химната, но фановите сметаат дека непотребно се менува нешто што е „свето“ во фудбалот.