УЕФА го избра најубавиот гол на Европското првенство (Видео)

Чешка покажа навистина убав и допадлив фудбал на Европското првенство, но покрај тимската игра, Чесите овој континентален турнир ќе го паметат и по ремек-делото кое сега е избрано за најубав гол.

Триесетдневните возбудувања на европскиот фудбалски собир завршија со завршно славје на Италијанците во големото финале на „Вембли“, но ова натпреварување во посебно сеќавање ќе остане на Патрик Шик кој воодушеви уште во групната фаза.

Напаѓачот на Чешка постигна спектакуларен гол од пола терен против Шкотска, погодок кој сега му го додели одличјето за „најубав гол на Европското првенство“.

УЕФА го објави резултатот од анкетата во која учествувале илјадници фудбалски фанови, кои процениле дека погодокот на Шик е убедливо најдобар и најатрактивен.

🇨🇿🙌 After almost 800k votes, Patrik Schick’s long-range stunner vs Scotland is UEFA EURO 2020 Goal of the Tournament! ⚽️💥#EUROGOTT @GazpromFootball #EURO2020 pic.twitter.com/qBENMPj25b

— UEFA EURO 2020 (@EURO2020) July 14, 2021