УЕФА ги одреди домаќините за ЕП во 2028 и 2032 година

Европското првенство во 2024-та година ќе се игра во Германија и набрзо ќе ги дознаеме сите патници на континенталниот турнир, но УЕФА веќе почна да прави подготовки и за наредните два турнира.

Европската фудбалска организација денеска ги додели организациите за наредните две Европски првенства на четири земји, што значи дека во 2028-ма и 2032-ра ќе има по два домаќини.

Велика Британија и Република Ирска ќе бидат организатори на Европското првенство кое ќе се игра во 2028-ма година, а за кое план е шест стадиони да има Англија, а по еден Република Ирска, Северна Ирска, Шкотска и Велс.

Како домаќин на турнирот, Англија реши да учествува во квалификациите и да темпира форма преку редовни натпревари, нешто што не беше случај со Германија за турнирот кој следи наредната година.

Што се однесува за турнирот кој ќе се игра во 2032-ра година, УЕФА како држави домаќини ги одреди Италија и Турција.

Euro 2028: UK & Republic of Ireland 🇬🇧🇮🇪

Euro 2032: Italy and Turkey 🇮🇹🇹🇷

UEFA confirm the hosts for the next two Euros, following 2024's tournament in Germany 🏆 pic.twitter.com/98sslfIOfz

— B/R Football (@brfootball) October 10, 2023