УЕФА денеска ќе ги одреди групите за ЕУРО 2024, актуелниот шампион е во последниот шешир

Репрезентациите кои веќе обезбедија место на Европското првенство во Германија денеска ќе ги дознаат противниците во групната фаза, на ждрепката која ќе се одржи во Хамбург од 18 часот.

УЕФА во присуство на претставници на сите репрезентации ќе ги одреди шесте групи со четири репрезентации, а истите ќе бидат влечени од четири шешири, при што во последниот има три репрезентации кои не се одредени, односно ќе бидат познати по плејофот во Лигата на нации.

Во првиот шешир се репрезентациите на Франција, Белгија, Португалија, Англија, Шпанија и домаќинот Германија, додека во најнезгодна позиција е актуелниот шампион Италија.

Избраниците на Лучијано Спалети изборија пласман на ЕП во последната рунда од квалификациите, а неубедливите резултати ги оставија во четвртиот шешир, што значи дека можат да добијат три незгодни противници и ниту еден од селекциите кои ќе влезат низ дополнителен плејоф.

Pots confirmed for the #EURO2024 draw ✅ pic.twitter.com/cFfM6bXZ1t

— UEFA EURO 2024 (@EURO2024) November 21, 2023