Удинезе со чудесен пресврт до лидерската позиција во Серија А (ВИДЕО)

Составот на Удинезе со чудесен пресврт успеа да слави над Парма во претпоследниот меч од 4. коло во италијанската Серија А.

Домашните фудбалери имаа се под контрола во првиот дел, поточно се изборија за сигурно водство од 2-0 со погодоците на Дел Прато во 2 и на Бони во 43 минута.

Меѓутоа работите се променија по паузата на која гостинските тренер направи две измени, ја освежи екипата, а и советите кои им ги даде вродија со плод.

Лука во 49 намали на 2-1, а во продолжението поранешниот француски репрезентативец Тован даде два гола во 68 и 77 за целосен пресврт и славје на клубот од Удине со 3-2.

Удинезе е најпријатното изненадување во досегашниот дел од шампионатот каде со учинок од три победи и едно реми или вкупно 10 бода се наоѓа на лидерската позиција.