Удинезе го потврди камбекот на клупска легенда: „Ел Нињо“ се враќа (Видео)

Екипата на Удинезе минатата сезона се бореше за опстанок во Серија А и одамна е далеку од врвот на италијанскиот фудбал, но фановите се надеваат дека оваа година ќе биде малку поразлично и сезоната ќе донесе подобри резултати.

Еден од предусловите за такво нешто се засилувањата, а Удинезе денеска се пофали со камбекот на Алексис Санчез, фудбалерот кој првпат ги воодушеви европските фанови токму со настапите во црно-белиот дрес.

35-годишниот Чилеанец реши да се фрати на „Фриули“ и потпишал двегодишен договор со Удинезе, откако претходно му истече договорот со шампионот Интер и стана слободен агент.

Санчез дојде во Удинезе во 2008 година и почна да ги полни мрежите на противниците, а три години подоцна си обезбеди трансфер во Арсенал.

Подоцна, Чилеанецот настапуваше и за Арсенал и Манчестер Јунајтед, а во два наврата го носеше и дресот на Интер, со кого ја освои и втората титула во Серија А изминатата сезона.

El Niño is back 🤍🖤

⚪️⚫️ #ForzaUdinese #AlèUdin #Udinese #Sanchez pic.twitter.com/aS47gi0Rzo

— Udinese Calcio (@Udinese_1896) August 10, 2024