Ударната вест од Франција ги зачуди Баварците: Ова е неразбирливо

Џамал Мусиала беше еден од најдобрите играчи на Европското првенство и се најде во тимот на турнирот, но тоа сепак не се покажа како доволно да се најде во завршнта листа на „Франс Фудбал“.

Младиот германски талент остана без место во 30-те номинации за „Златната топка“ и е надвор од елитниот круг, а тоа дефинитивно ги изненади челниците на Баерн Минхен, од каде со официјална реакција се јави Макс Еберл.

Директорот кој е задолжен за спортскиот проект на Баерн не може да сфати како Мусиала не е меѓу најдобрите 30 играчи во светот, особено поради настапот на Европското првенство, но и поради изданијата кои ги имаше во Лигата на шампиони.

– Среќен сум за секој играч кој се најде во списокот за „Златната топка“, но ние во Баерн сме изненадени што Мусиала не е во оваа листа. Џамал беше еден од најдобрите играчи на Европското првенство, се најде во најдобрите 11 и беше еден од најдобрите стрелци на турнирот.

– Покрај тоа, Баерн играше во полуфиналето во Лигата на шампионите благодарение на брилијантните изданија на Џамал. Фактот што не е меѓу 30-мината најдобри за нас е неразбирливо. Во нашите очи, Џамал е еден од најфасцинантните играчи во светот, тој има уникатни квалитети. Горди сме што го брани дресот на Баерн и секогаш ќе му даваме поддршка, – порачува Еберл.