Убедливи победи на Вардар и Пелистер во Суперлигата

Ракометарите на Вардар и Еурофарм Пелистер забележаа убедливи победи на денешните средби од 13. коло во Суперлигата.

Бранителот на титулата го реши МРК Куманово со 37-21. Ова беше дуел во кој фаворитот го реши прашањето околу победникот во првиот дел кој го доби со 23-8.

Ќосевски со 12 гола беше прв стрелец, Савревски пак беше автор на 7 погодоци.

Пелистер пак славеше на гостувањето во Кавадарци кај Тиквеш со резултат 30-20. Во вторите 30 минути фаворитот додаде гас и дојде до резултатот што го посакуваше.

Хенеберг со пет погодоци беше прво име, кај поразените се истакна Симиќ со четири погодоци.

На другите две средби Пролет и Голден Арт беа подобри од Скопје и Јуниор.