Поврзете се со нас

Формула 1

Убави моменти за крај: Фетел му напиша фантастична порака на Леклер на кацигата која му ја подари (Фото)

Објавено

на

blank

Себастијан Фетел вчера стави крај на својата етапа во редовите на Ферари, а истата ја заокружи на начин како што му доликува, односно доби посебен третман од сите вработени во тимот и по крајот на трката во Абу Даби изрежираа навистина убави сцени.

Германецот кој е познат како голем спортски џентлмен имаше само зборови за благодарност до сите вработени и за сето она што го доживеа во 118-те трки како возач на Ферари, но сепак, во фокусот се најде неговата блискост со Шарл Леклер со кого имаа и неколку недоразбирања во изминатите две сезони.

Двајцата имаа навистина добар однос и покрај тоа што првата сезона беше навистина тензична и пропратена со неколку чудни тимски одлуки, а сега заедничката етапа ја завршија на навистина симпатичен начин, разменувајќи си ги кацигите, со тоа што на онаа која ја подари Фетел, имаше и специјална порака.

– Ти си возачот со најголем талент од сите оние кои ги имам сретнато во овие 15 години. Немој да го потрошиш и биди сигурен дека ќе бидеш среќен и насмеан во сето она што го правиш, – гласи оригиналната порака од Фетел.

Себастијан дојде во Ферари како огромна надеж дека ќе се стави крај на долгиот пост без титула, но сепак Германецот од Маранело си заминува како четирикратен шампион, титули кои ги освои како член на Ред Бул.

Реклама
Реклама
Реклама

Популарни