Турам сениор за иднината на неговиот син Маркус: Тој сонува да игра за нив!

Маркус Турам е еден од играчите кој е доста интересен за повеќе екипи, а причината за тоа е што можат да го добијат без никакво обештетување на крајот на оваа сезона.

Французинот од 2019 година е дел од Борусија Менхенгладбах, но како што стојат работите оваа соработка ќе потрае само уште неколку месеци до завршување на договорот на 30 јуни. Маркус беше порвзуван со преселба во Маннчестер Јунајтед, Интер…но според неговиот татко легендарниот Лилијан Турам тој сонува да го носи дресот на Барселона.

-Јас го сакам најдобро за него и неговите браќа, би било сон Маркус да игра за Барса. Ако ми го дадеш договорот, можам веднаш да го потпишам. Во секој случај, приоритет е да не го запре неговиот развој и да продолжува да се подобрува како фудбалер, -вели Лилијан на кого му се допаѓа како Барса се развива под водство на Чави Ернандес.

-Барселона полека повторно станува тим. Среќен сум за Барселона и Чави што се лидери во Ла Лига. Чави е многу млад, но ќе освои многу титули, -порача некогашната ѕвезда на Јувентус, Парма, Монако и Барселона.

Маркус има 25 години и во нападот може да одговори како лево крило или класичен шпиц играч.