Тухел за ветувањето од Хенес: Навистина тоа го кажал? Тоа скапо ќе го чини

Баерн Минхен добро „лета“ во актуелнава кампања во која е при самиот врв на Бундеслигата со само четири загубени бода во досегашните 9. кола, а реди успеси и во Лигата на шампионите, но и во Купот на Германија.

Меѓутоа „баварците“ во исто време имаат проблеми со повредени играчи и како што стојат работите клубот ќе се активира на пазарот во зимскиот преоден рок.

Почесниот претседател на германскиот великан, Ули Хенес истакна дека Тухел ќе ги добие засилувањата кои ќе ги посака, зборови кои го израдуваат предводникот на Баерн.

-Навистина тоа го кажал за трансферите? Тогаш тоа скапо ќе го чини. Ќе почнеме со трансфери штом се отвори преодниот рок, – порача Тухел.

Баерн денеска имаа соочување со Сарбрикен во Купот, додека на 4 ноември и гостува на Борусија Дортмунд во Бундеслигата.