Тухел за изданието на Кејн на дебито во Бундеслигата: Ова е потценување….. (Видео)

Хари Кејн имаше деби од соништата во Бундеслигата и брзо ја заборави својата премиера која ја имаше пред една недела, кога влезе како резерва во тешкиот пораз од Ред Бул Лајпциг во Суперкупот.

После неколку тренинзи со првиот тим и подобро запознавање на новите соиграчи, Кејн одигра извонредно добро против Вердер Бремен и запиша гол и асистенција во победата од 0:4, по која Тухел ги поправаше германските новинари кои излегуваа со епитети за неговиот настап.

Тренерот на Баерн Минхен нагласи дека епитетот „добро деби“ е прескромно за тоа што го понудил Англичанецот на теренот, кој според него бил беспрекорен во секој поглед.

– Да се каже дека ова беше само добро е потценување. Тој беше апсолутно одличен во секоја смисла на зборот. Беше присутен во секоја акција, покажа карактер и веднаш им се стави на располагање на соиграчите.

– Не е само тоа, начинот на кој тренира покажува дека е голем професионалец, пристигнува прв на тренинзите. Го започна мечот со паметна асистенција, а потоа и се запиша во листата на стрелците. Се надевам дека ќе продолжи во овој ритам, – изјави Тухел.