Поврзете се со нас

Англија

Тухел стави потпис на договорот со Челси и веднаш излезе на терен: Првите зборови му ги посветувам на Лампард (Фото)

Објавено

на

Томас Тухел од оваа вечер стана првиот Германец кој ќе го води тимот на Челси во историјата, откако клубот од „Стемфорд Бриџ“ и официјално соопшти дека доскорешниот тренер на ПСЖ е замената за Френк Лампард кој вчера беше ослободен од своите обврски како менаџер.

Англиските медиуми уште вчера најавија дека ценетиот германски стручњак ќе ја добие првата задача како менаџер во Премиер лигата, но од вечерва е и официјално дека ќе биде шеф на стручниот штаб на „лондонските сини“, според договор кој има првична важност од 18 месеци.

Тухел кој претходно работеше во Борусија Дортмунд, пред крајот на 2020-та година доби непријатен божиќен „подарок“ во вид на отказ од страна на ПСЖ, но по само еден месец, веќе има нова работа и тоа во навистина елитен клуб со највисоки амбиции.

– Сакам да им се заблагодарам на директорите на Челси за укажаната доверба во мене и во мојот стручен штаб. За почеток, сакам првите зборови да му ги посветам на Лампард. Сакам да нагласам дека сите ние имаме максимален респект кон Френк Лампард и за наследството кое тој го остава во Челси.

– Истовремено, не можам да дочекам да ги сретнам моите нови играчи и да се натпреварувам во највозбудливата лига во светот. Горд сум што станувам дел од семејството на Челси, чувството е фантастично, – изјави Тухел по потисот на договорот.

Реклама
Реклама
Реклама

Популарни