Тухел разочаран од двајца англиски стартери: Во клубовите играа на многу повисоко ниво

Англија ја победи Албанија на почетокот на квалификациите за Светското првенство, што беше и посакуван почеток на селекторската ера на Томас Тухел.

Германскиот стручњак сигурно е задоволен со резултатот, но по дуелот изјавил дека очекува многу повеќе од своите избраници.

– Можеме многу подобро и мораме многу подобро.

– Започнавме добро и постојано ја имавме топката против ривал кој се концентрираше на својата игра во одбрана. Во второто полувреме мислам дека бевме премногу спори и имаше премалку обиди да се најдеме зад нивната дефанзивна линија, – рекол Тухел, кој имал посебна замерка за крилните напаѓачи, Маркус Рашфорд и Фил Фоуден.

– Двајцата немаа придонес каков што имаат во своите клубови. Мора да го анализирам натпреварот за да утврдам зошто топката одеше толку тешко до нив, а и тие го немаа влијанието кое го видов во настапите за клубовите изминатите недели. Ќе продолжиме да ги охрабруваме и ќе се обидеме да им овозможиме структура во играта со која ќе бидат поопасни, – рекол Тухел.

По првите три бода, Англија има императив за победа и на дуелот со Летонија.