Тухел: Мбапе е многу интелегентен, тој ќе игра за Баерн!

Килијан Мбапе е слободен играч по крајот на оваа сезона или поточно му завршува договорот со францускиот првак Пари Сен Жермен.

„Светците“ секако посакуваат да го задржат и по 2024 година, но прашање е дали и овојпат ќе можат да ја добијат битката за напаѓачот кој константно се поврзува со Реал Мадрид, тим кој во повеќе наврати беше блиску до неговиот потпис, ама не можеше да ја комплетира, заокружи операцијата.

Наводно 2024 е година во која Реал конечно треба да го направи тој толку најавуван, посакуван чекор ако им се верува на медиумите, но додека се не биде официјално ќе биде отворено и неизвесно.

Имено предводникот на Баерн Минхен, Томас Тухел се понуди и смета дека би можел да заврши работа и да го убеди Французинот да слета на „Алијанц Арена“.

-Мбапе слободен следната година? Да, Тој ќе игра за нас. Килијан е Килијан, тој е многу интелигентен. Имавме добар однос. Ако сака да дојде во Баерн, јас сам ќе одам да го земам. Кога сака нешто, го добива, -рече Германецот кој се пошегува, но Баерн е Баерн и ако види некоја шанса сигурно ќе проба да ја искористи.