Тухел ќе му „украде“ два важни членa на стручниот штаб на Челси

Томас Тухел ќе биде англиски селектор од почетокот на следната година, а периодот до преземање на функцијата го користи за да го состави и стручниот штаб кој ќе работи на одговорната задача.

Германецот има солидно искуство на елитната фудбалска сцена и знае дека мора да собере квалитетни соработници, кои пак ќе бидат ангажирани од Англиската фудбалска асоцијација.

Најновата вест на англиските медиуми е дека Тухел ќе го „украде“ тренерот на голманите на Челси, Енрике Иларио, односно Германецот веќе го убедил долгогодишниот член на стручниот штаб на „сините“ да почне со работа во англиската репрезентација.

Иларио е на актуелната позиција уште од ерата на Антонио Конте, а како голман забележа 39 настапи во дресот на Челси.

За Тухел ова не е единствена „кражба“ од стручниот штаб на Челси, бидејќи претходно успеал да го убеди и Џејмс Мелбурн, чија работа е анализа на перформансите на фудбалерите на премиерлигашот.