Тудор остана без важен првотимец уште по првиот натпревар на клупата на Јувентус

Јувентус успеа да победи на дебито на новиот тренер Игор Тудор, но повторно мораше да се соочи со ситуација во која загуби стартер на подолг период.

Хрватскиот стручњак уште во првото полувреме на дуелот со Џенова правеше принудна замена, а денеска е потврдено дека проблемот на Федерико Гати не бил воопшто наивен.

Дефанзивецот на Јувентус настрада по еден силен удар заработен од Андреа Пинамонти, а денеска било утврдено дека има фрактура на ногата и мора да оди на принудна пауза.

Италијанскиот клуб ја потврди повредата и најавите се дека паузата на Гати ќе трае околу еден месец, што е нов проблем за делот во тимот во кој сезонава веќе имаше многу повредени играчи, вклучувајќи ги Бремер и Кабал кои одамна не се во комбинација.

Во предвидениот период Јувентус има планирани натпревари со Рома, Лече, Парма и Монца.