Тричковски стрелаше во последен момент и го спаси АЕК од пораз (ВИДЕО)

Поранешниот македонски репрезентативец, Иван Тричковски беше спасител на АЕК Ларнака на денешниот првенствен меч против Пафос во најсилната лига на Кипар.

Тричковски не беше стартер на овој меч, но и кога ќе влезе од клупа знае да направи разлика, па така беше и вечерва каде во последен час погоди за спас на неговата екипа. Пафос водеше од 38 минута до 93 кога Тричковски со удар со глава ги постави конечните 1-1.

Ова за популарниот Тричко беше 11 сезонски гол, АЕК пак со 63 бода е на 3. место на табелата.