Тричковски стрелаше против АПОЕЛ (ВИДЕО)

Искусниот македонски напаѓач, Иван Тричковски постигна гол за АЕЛ Лимасол во пресметката со АПОЕЛ во првата лига на Кипар.

Ветеранот доби шанса во второто полувреме кога противникот водеше со 2-0, па неговото велгување донесе свежина, нова енергија и токму популарниот Тричко се избори за пенал во 75 минута, пенал при кој ја презема одговорноста и ја затресе мрежата на гостите.

До крајот немаше промени и АЕЛ го забележа 12. пораз во сезоната. Македонецот пак има три постигнати голови на десет лигашки натпревари.

Кога се во прашање нашите интернационалци, Лирим Ќамили забележа асистенција за Сондерјиске во тешкиот пораз од Архус од 4-1.