Три пенали во трилерот со шест погодоци: Елмас и Наполи останаа без целиот плен во Реџо Емилија (ВИДЕО)

Големи возбудувања донесе премиерниот денешен меч во Серија А меѓу Сасуоло и Наполи, дуел кој заврши без победник 3-3.

Паднаа вкупно шест погодици, плус еден беше поништен поради офсајд, а досудени беа три пенали што значи имаше од се по нешто во битката во Реџо Емилија. Првиот дел заврши со предност од 2-1 за домашните и тоа откако направи пресврт со автоголот на Максимовиќ и погодокот на Берарди (пенал).

Ди Лоренцо во 72 минута израмни на 2-2 за да во самиот финиш во 90 минута видиме два пенали. Прво гостите реализираа за 3-2 преку Инсиње за да во следниот напад Капуто биде сигурен од белата точка и ги постави конечните 3-3.

Елиф Елмас играше од 67 минута кога го зазема местото на Мертенс. Наполи со 44 бода е на 5 место на табелата.