Три клуба сакаат да го вратат Инсиње во италијанскиот фудбал

Поранешниот италијански репрезентативец, Лоренцо Инсиње може да се врати во европскиот фудбал во текот на овој зимски преоден рок.

Офанзивецот од 2022 година е дел од МЛС составот Торонто, клуб во кој е најплатен играч или севкупно гледано со заработка од 15 милиони евра е на второто место во шампионатот зад Лионел Меси од Интер Мајами (20 милиони евра).

Последните вести се дека Торонто е подготвен за разделба со Италијанецот за кого веќе има интерес од три тима од Серија А и тоа Фиорентина, Комо и Лацио. Наводно „виолетовите“ се во најдоба позиција за обезбедување на неговот потпис, меѓутоа ништо не е решено затоа што во игра е Олимпијакос, ама и тимови од Саудиска Арабија и Обединетите Арапски Емирати кои сигурно би доставиле богати понуди на адреса на некогашниот ас на Наполи.

Лоренцо има 33 години и неодамна посочи дека сонува одново да игра за Италија и тоа на СП, па тоа би требало да значи дека ќе мора внимателно да ја избере новата дестинација, поточно тоа да биде клуб во кој ќе има значаен придонес и воедно да влезе во фокусот на селекторот Лучано Спалети.