Три големи ѕвезди му откажаа на Пикси, селекторот даде објаснување

Србија ќе игра против Шпанија и Данска на стартот на новиот циклус во Лигата на нации, но покрај големата смена која Драган Стојковиќ ја направи во репрезентацијата, денеска стана јасно дека за овие две средби нема да видиме и три големи ѕвезди.

Пикси самиот направи рез и не ги повика Вања Милинковиќ-Савиќ, Урош Спајиќ, Срѓан Мијаиловиќ, Филип Младеновиќ, Немања Гудељ, Филип Костиќ и Мијат Гачиновиќ кои беа дел од тимот на Европското првенство, но сега проблем се јавува поради тоа што му откажаа Душан Влаховиќ, Александар Митровиќ и Сергеј Милинковиќ-Савиќ.

Во српската јавност се појавија шпекулации дека играчите намерно го бојкотираат селекторот и затоа го прескокнуваат септемврискиот прозорец, но Пикси сега демантираше такво нешто и откри за што станува збор.

– Александар Митровиќ и Сергеј Милинковиќ-Савиќ денеска ми испратија писмо и известија дека нема да можат да играат поради повреди. Работата околу сите тројца е многу едноставна.

– Влаховќ ми се јави и ми кажа дека има семејни проблеми, во тоа нема да навлегувам и се надевам дека брзо ќе ги реши на позитивен начин. Митровиќ и Сергеј практично цело време играат повредени за Ал Хилал, двајцата ми се јавија и разговравме за се. Сергеј има бол во грбот и игра под инекции, додека Митровиќ има проблем со задната ложа. Поради тоа што сме склони кон секакви шпекулации, со ова сакам да нагласам дека нема потреба од такво нешто. Наш приоритет ќе биде да се пласираме на Светското првенство, што за нас ќе биде трето големо натпреварување во низа, – изјави Пикси.