Поврзете се со нас

Италија

Три ѕвезди на Јувентус денес ќе се збогуваат со фановите, важен играч на Алегри го пропушта дербито

Објавено

на

Foto:twitter.com/juventusfc

Јувентус ќе го одигра последниот натпревар на домашен терен сезонава, а покрај важноста на бодовите во дербито со Милан, за навивачите ова ќе биде можност и последен пат да видат на дело три ѕвезди на екипата.

Утринава најупатените италијански новинари потврдија дека за Анхел Ди Марија, Адриан Рабио и Леандро Паредес ова ќе биде последен настап на „Алијанц“, бидејќи тројцата дефинитивно нема да бидат дел од Јувентус следната сезона.

Иднината на Ди Марија засега е непозната, Паредес ќе се врати во ПСЖ, додека Рабио го одработи цел договор и без отштета ќе се пресели во клуб кој ќе му ги исполни бараните финансиски услови, кои се нереални за Јувентус во моментов.

„Бјанконерите“ го потврдија составот со кој ќе се соочат со Милан, а во него го нема Душан Влаховиќ, кој не успеал да ја санира повредата која го измачува последните денови, па Макс Алегри нема да смета на српскиот напаѓач на денешното големо дерби.

Во составот се враќа Бонучи, а од неизвесните тука е и Алекс Сандро, кој ќе конкурира за настап и на оваа средба.

Милан со еден бод ќе си го потврди учеството во Лигата на шампионите, додека Јувентус ќе се обиде да се приближи барем до позиција за место во Лига Европа (заостанува два бода зад петтопласираната Аталанта).

Реклама
Реклама
Реклама

Популарни