Тргни се од патот: Бравурозниот Шарп го изведе забивањето на сезоната во НБА лигата (Видео)

Портланд успеа да победи на гостувањето кај Вашингтон со 121:129, пред се благодарение на кошаркарската симултанка која ја имаше Шејдон Шарп.

Младиот 21-годишен Канаѓанец имаше брилијантно издание и уфрли 36 поени, но посебно го привлече вниманието поради еден потег кој се врти на социјалните мрежи во Америка.

Шарп на многу млада возраст се издвои како еден од најдобрите мајстори за забивање во американската елита, статус кој го оправда со еден монструозен потег рано утрово.

Според американските медиуми, Шарп против Визардс го изведе најдоброто забивање оваа сезона, а НБА како организација реши да ги сподели сите досегашни негови лудории во најсилната кошаркарска лига во светот.

Ѕвездата на Портланд многу брзо се етаблираше како неверојатна атлета за која решение немаат и најдобрите дефанзивци, па така рано утрово негова последна жртва беше Џастин Шампејн.

Shaedon Sharpe can FLY. 🫨

Take a look at the best dunks of his young career ⬇️ https://t.co/KtUJzKuSWV pic.twitter.com/UiXjH2S5Ox

— NBA (@NBA) February 27, 2025