Трезеге застана зад Меси: Франција никогаш не го ценела талентот, јас секогаш сум…

Лионел Меси мина две години во редовите на Пари Сен Жермен пред да се реши да замине во САД во МЛС составот Интер Мајами.

Аргентинецот во повеќе наврати истакна дека нешто му недостасувало во ПСЖ и никогаш докрај не успеал да биде свој, а за тоа дефинитивно вина имаат навивачите, медиумите, дел од јавноста која на крајот комплетно му сври грб, па фановте на „светците“ почнаа и да го исвиркуваат ветеранот.

На крајот Лео си замина, ПСЖ одново ќе почне нов проект за освојување на Европа, а во меѓувреме пак легендарниот Давид Трезеге застана зад напаѓачот, поточно им испрати порака на оние кои го критикуваа, не го искористија докрај квалитетот, способноста на еден од анјголемите на сите времиња.

-Франција никогаш не го ценела талентот, па затоа земјата никогаш не го разбра Меси. Неговото доаѓање во Лига 1 беше можност помалку поатрактивно првенство да се направи попривлечно од Премиер лигата, Серија А, Ла Лига, па дури би рекол и Бундеслигата. Сепак, Франција никогаш не го ценела талентот на Меси. Играч кој ги менува хиерархиите на сите нивоа во фудбалот, ви гарантира враќање во смисла на имиџот и престижот како што ретко кој може.

-Лига 1 ретко имаше шанса да биде домаќин на играч од ваков ранг. Јас, Анри, Дугари и Лизаразу, кои имаме историја, бевме жестоко критикувани дека го браниме Меси. Наша вина? На страната на талентот и магијата на фудбалот, -порача Давид за „ЕСПН Аргентина“.