Трезеге го предупреди Мота: Во Јувентус важни се само победите

Тиаго Мота сезонава презема сериозен предизвик со ангажманот во Јувентус, а барем засега не успева да ги испорача резултатите кои ги очекуваат фановите на „бјанконерите“.

Клупската легенда Давид Трезеге го предупреди италијанскиот стручњак дека не му се пишува добро ако екипата не почне да победува.

– Се уште не сме го виделе вистинскиот Јувентус под водство на Мота.

– Во овој клуб најважни се победите. Се бројат и тие против помалите клубови, не мора да биде со сензационален резултат, доволно е да е победа, додека во спротивно тренерот ќе заработи отказ.

– Фановите не се заинтересирани за друго и Антонио Конте беше тренер кој најбрзо го сфати тоа. Јуве е Јуве, мора да победувате и тоа е тоа, – рекол Трезеге.