Тренерот на Звезда го „поздрави“ Кузмановиќ по лекцијата за Штутгарт: Победивме поради твојата изјава!

Црвена Звезда го размонтира Штутгарт и ја запиша првата победа во тековната сезона во Лигата на шампионите, но истата ќе се памети уште долго поради конечниот резултат.

Српскиот првак му испорача „петарда“ на актуелниот германски вицешампион и буквално го надигра во секој фудбалски поглед, а со тоа се ставија во втор план сите најави дека Звезда ќе претрпи нов убедлив пораз во најелитното натпреварување.

По извонредниот триумф, доста енергичен и прилично возбуден бил и тренерот Владан Милојевиќ, кој во своето прво обраќање не пропуштил да го „поздрави“ Здравко Кузмановиќ.

Поранешниот српски репрезентативец им посака среќа на играчите на Штутгарт пред гостувањето во Белград и посочи дека очекува победа на Германците, но откако неговиот тип целосно пропадна во вода, Милојевиќ не пропушти да го „пецне“ со изјавата.

– Сакам да му испратам порака и на Здравко Кузмановиќ. Денеска победивме поради него против Штутгарт! Добро знае какви изјави даде пред мечот. Тоа е непримерно и недозволиво за еден Србин. Тој е патриот и некој кој доаѓа од Србија не смее да дава такви изјави, – порачал Милојевиќ.