Тренерот на Синер за допинг скандалот: Јаник не би направил такво нешто намерно

Допинг скандалот со Јаник Синер се претвори во најактуелна тема на светската спортска сцена, а коментарите на дел од неговите колеги само дополнително го зголемија притисокот врз италијанскиот тенисер.

Светскиот рекет број еден остана само без поените и паричната награда од Индијан Велс и не доби никаква суспензија иако два пати имал позитивен тест, а одговорните тела целосно го ослободија од одговорност по направената истрага.

Со свој став се јави и тренерот Дарен Кејхил, кој застанал во одбрана на Синер.

– Јаник никогаш не би направил такво нешто намерно. Вистината излезе на виделина, тој нема никаква вина и за среќа може да го остави ова зад себе, – рекол Кејхил.

Тренерот на Синер објаснил дека тенисерот не бил привремено суспендиран затоа што тој и неговиот тим точно го лоцирале проблемот и периодот кога дошло до контаминацијата, а одговорното тело веднаш започнало со својата истрага.

Шаповалов за контроверзната одлука за Синер: Различни правила за различни играчи!