АТП
Тренерот на Синер откри зошто Италијанецот се тресеше во осминафиналето: Имаше многу среќа (Видео)

Јаник Синер загуби само два сета на својот пат до втора титула на Аустралијан Опен, а еден загуби во осминафиналето кое се покажа како најтежок меч за него.
Холгер Руне сериозно го предизвика светскиот рекет број еден и го освои вториот сет за 1:1, но во тие моменти многу загрижуваше и состојбата на Синер кој се тресеше крај теренот и мораше да повика медицински тајм-аут.
После паузата која траеше повеќе од 10 минути, Синер се врати значително освежен на теренот и успеа да ја приведе работата до крај со освоени два сета во низа, па откако во продолжение ги доби и трите наредни меча кои му обезбедија нова титула на Мелбурн, сега неговиот тренер откри за што станувало збор.
Дарен Кејхил обелоденува дека Синер имал вирус пред осминафиналниот меч и морал да го откаже тренингот во увертирата за истиот, па во еден момент сите во тимот стравувале и од пораз.
– Синер имаше вирус и се чувствуваше фатално лошо. Да бидам искрен, не знаевме дали ќе може да излезе на теренот, се чувствуваше навистина лошо. Го откажа последниот тренинг, а неговиот меч беше закажан во 14:30 часот попладне, кога температурите беа највисоки. Закажавме загревање, но кога излезе на теренот, беше блед како крпа.
– Да бидам искрен, имаше голема среќа на мечот со Руне. Паузата следеше на средина на третиот сет и можеше да добие лекарства за да му се подобри ситуацијата. Му беа прегледани виталните знаци надвор од теренот и му беше измерена температура. Минаа десет минути пред да се врати на теренот, а кога го направи тоа и ни се приближи, видовме дека полека почнува да му се враќа бојата на лицето, – открива Кејхил.
Los temblores de Sinner en el paso por banquillos.#AusOpen #AO2025 pic.twitter.com/6tRL0Xdah1
— Eurosport.es (@Eurosport_ES) January 20, 2025
-
Лига на шампиони23 часа
Пеналот во ЛШ ја крена на нозе цела Италија: Завршивме со фудбалот! (Видео)
-
Англија16 часа
Мареска донесе одлука, Челси има нова „единица“
-
Македонија24 часа
Омерагиќ им се обрати на судиите пред пролетниот дел од сезоната: Мојот телефон не е тајна, нема простор за манипулации!
-
Лига Европа16 часа
Балканците му донесоа убедлива победа на Фенербахче, Сосиедад славеше во Данска (ВИДЕО)
-
Конференциска лига14 часа
Николов и Шишковски славеа со Борац Бања Лука, Антони со мајсторија ја најави победата на Бетис (ВИДЕО)
-
Шпанија22 часа
Тажна вест: Почина младото момче на кое Мбапе му ја исполни последната животна желба (Видео)
-
Боречки спортови21 час
Се ближи неизбежното: Усик најави уште две големи борби пред да стави крај на кариерата
-
НБА23 часа
Србинот секогаш е чекор пред другите: Извонредната антиципација на Јокиќ ги импресионираше Американците (Видео)